كان كيفى فى ساعة الصبحيه
انزل عالقهوه اللى فى حارتى
على ريحة الفول والطعميه
اسلم على ناسى و اهلى
افطر واتمزج بسجارتى
الحلوه تشوفنى و تندهلى
و اصبح على جارى و جارتى
اضحك واحكيلها وتحكيلى
مظبوطه ساعتها على ساعتى
اتمشى معاها ونتكلم
اغنى فاشوف لمعة عينها
لحد الدنيا اما تضلم
اسكت فتقول طب غنيلى
الاقيها تصلى وتدعيلى
تسرح وتقول عرفاك شاعر
اتوشوش كده بينى و بينها
منا صايع اصلى فى حواريه
تلعب بالكلمه و تفاصيلها
تاخدنى بلاد و تودينى
تسلك فى متاهه يا واد شاطر
تحبكها و ترجع تلايمها
محتاج تحضنى تخبينى
انا اصلا مشكلتى فى عينها
وبلادى اللى انا اصلا منها
سيبتك يا حبيبتى و سبتينى
بايعانى و بتطلع عينى
وانا عاشق لسه بحنلها
طلعت روحها بره المياه
انا هرجع تانى على الحاره
لريحة الفول والطعميه
انا زى السمكه فى سناره
ليست هناك تعليقات:
الي التعليقات